ХҮҮХДИЙН БАЯРЫГ ТЭМДЭГЛЭН ӨНГӨРҮҮЛЛЭЭ

image

Тус газар нь Хүүхдийн эрхийг хамгаалах өдрийг тохиолдуулан, тус газрын нийт албан хаагч, ажилтны 0-18 насны хүүхдүүдийг хамруулан баярыг тэмдэглэх, хүүхэд бүрийг эцэг эхтэйгээ хамт баярлах боломжийг бүрдүүлэх, хүүхдийн авъяасыг хөгжүүлэх, дурсамж үлдээх зорилгоор баярын үйл ажиллагааг 2019 оны 05 дугаар сарын 31-ны өдөр нийт 40 хүүхдийн дунд зохион байгуулсан.
Дархан-Уул аймаг дахь гаалийн газраас Хүүхдийн эрхийг хамгаалах өдрийг  тохиолдуулан олон арга хэмжээг зохион байгууллаа. Үүнд: 
1. Гар зургийн уралдааныг "Миний мөрөөдөл" сэдвээр зохион байгуулахад 3 наснаас дээш хүүхдүүд оролцож өөрсдийн мөрөөдлөө зургаар илэрхийлэн үзүүллээ. 
2. Урлаг, спорт, сурлагаараа 2018-2019 онд гаргасан амжилтаар нь "Шилдэг" 5 хүүхдийг шалгаруулж урамшууллаа. Хүүхдүүддээ илүү их амжилтын эзэн болохыг ерөөе. 
3. Эцэг эхчүүд нь өөрсдийн хийсэн амттанаар дайлж, морин хуурийн тоглолт үзүүлж, Аха тэмцээнийг насны 2 ангиллаар зохион байгуулж шалгарсан 4 хүүхдэд гарын бэлэг гардууллаа. 
4. "Хүүхэд улс орны ирээдүй" сэдвээр газрын дарга Б.Даваасүрэнгийн 12 настай хүү Д. Мөнхбадрал илтгэл тавьж "Зөв хүүхэд" болж өөрийгөө өөрчлөхийг уриалсан нь нийт хүүхэд эцэг эхчүүдийн талархалыг хүлээв. 
Мөнхбадралдаа ирээдүйд томоос том амжилт гаргахыг хүсэе. Мөн хүүхдүүд өөрсдийн дуу шүлгээрээ эцэг эхчүүддээ бэлэг барьлаа. 
Баярын ажиллагааг хүүхдүүддээ баярын бэлэг гардуулан өндөрлөлөө. 
Бяцхан үрсүүд маань маш их баяр жаргалтай энэ өдрийг өнгөрүүлсэн.Монголын үрс маш олон болтугай, нийт гаальчдын хүүхдүүд, эхчүүддээ баярын мэнд хүргэн аз жаргалаар дүүрэн, эрүүл энх байхыг ерөөе.

2019-06-05 12:08:28 >>Буцах